ORCADES

ORCADES

insulae maris Caledonii, Scotiae ad Boream adiacentes, inter illam et Norvegiam, numerô 40. Plinio, l. 4. c. 16. 30. vero Pomponio, ab Hebudibus 5. dierum navigatione in Ortum distantes. Magnae Britanniae regi parent, a Danis oppignoratae, quorum rex Canutus illas, cum Islandia, sibi subiecit, A. C. 1062. Saxo Gramm. l. 11. Orkney Camdeno. Iuvenal. Sat. 2. v. 161.

———— ———— Arma quidem ultr

Litora Iuvernae promovimus et modo captas

Orcadas, ac minimâ contentos nocte Britannos.

Claudian. citante Ferrariô,

Orcades; incaluit Pictorum sanguine Thule.

Extenuntur a Septentrione in Meridiem. Harum 11. maiores insulae sunt: Pomonia, Mainland, praecipua, Hoya, Ranalsa; Meridionalis et Borealis Siapinsa, Rasa, Flotta, Westria, Eda, Sandia, et Stromza. Haud pridem Ducali tintulô insignitae. Suntque in his tantum aliquot castra, cum oppido Kirkual, in Pomonia. A Scotia Picticô fretô divisae, Baudrand. In his neque serpens ullus, neque aliud venenô infestum animal vivere potest: incolae bibones insignes et vivaces, medicinae usum ignorant, Camden. descr. M. Britanniae. Nic. Lloydius. Auctori Anonymo Hisstoriae Orbis Terr. Georgr. et Civ. triginta earum sunt, vulgo Orkney, admodum silvis vacuae, sed pecorum bene feraces: quarum maxima Pomona, fodinis plumbi et sede Episcopali prae reliquis insignis est. Ceterum Insulae hae, ut et Hebrides, incolas ex Norvegia acceperunt, ac illius Regibus diu subfuerunt. Unde cum aliquoties bella inter Scotos et Norvegos, ob earum possessionem, orirentur, tandem Aquinus Norvegiae Rex eas Alexandro III. Scotiae Regi cessit. Sed cum ne sic quidem controversiae cessarent, Christianus I. Daniae Rex eas Iacobo III. Scotiae Regi cum filia in dotem dedit, cuius translationis authenticas se vidisse tabulas,

Buchananus traidt. Ita Orcades a Regno Norvegiae avulsae, in potestatem Scotorum venerunt, Hornius Orb. Imper.